آآآآآآآآآآآه “اكبر تنهيده في العالم” مب مصدقه ان هالسنه انتهت!! قسم بالله مب مصدقه.. جت العطله!! وجا معها النوم العميق والراحه من غير اهانة المنبه 
“هنيئاً لكم” .. سمسترين طوال عراض كئيبين أكئب سنه مرت علي فالجامعه 
.. يا الله لو اجلس اقارن السنه الماضيه بهالسنه راح اطلع بمليون شي جديد صار لي.. من ناحية الاشياء الشخصيه كلهم للافضل الحمدلله بإستثناء مستواي الدراسي الي نزل للحضيض خخخ 
وأكيد ماتكتمل فرحة العطله الا بالنتايج!! والنتايج مسويه لي فلم رعب من اتذكرها اموت خوف .. مب متحمله فكرة اني اشوف الـ”F” بسجلّي!! يارب خير يارب , الله حسيبك يا دكتور عيد انت واسئلتك الفاشلة اكرهك 
.. المهم ماعلينا من الاختبارات وطاريها الكئيب .. خل اتكلم عن العطله الي كما معروف انها موسم الزواجات والخطوبات والتخرجات والمناسبات الدرزن الي فيها.. طيب قولو انتهت كل هالمناسبات.. وفرضاً ماسافرنا!! ايش بسوي اجلس في البيت عطاله بطاله؟ مااحب حياتي تصير تافهه مقتصره على السهر والنوم والاكل والنت والتلفزيون والموفيز!! اكره اصير بهالحاله لاشغل ولامشغله.. ابي شي يشغلني شي استفيد منه .. بتقولون خذي صيفي ؟ والله مااخذ لو على جثتي 
احمد ربي ان هالسنه خلصت وانا بكامل قواي العقليه لو باخذ صيفي شبيصير فيني.. نو واي مستحيل اخذ 
طيب ايش الخيارات الثانيه الي بتشغلني واستفيد منها؟ الى الحين جاري التفكير فيها .. اقتراحاتكم اعزائي كلي آذان صاغيه 
يونيو21
