من أكون؟

مدونتي شخصيه فيها اهتماماتي اشيائي الي احبها فضفضتي واحيانا هذره.. فتحتها لاني محتاجه مكان اتنفس فيه ولو اني كثيرة السحبات عليه بس اشتاق له من فترة لثانيه ♥
امم اسمي مشاعل , بكر ماما وبابا ومن مواليد 1990 وسكّان السعوديه – الشرقيه.
لي نظره تفاؤليه للحياة ومزاجيتي تحكمني في كل شي ومن سلبياتي “التناقض”  يمكن عشان مزاجيتي!!
امنياتي كبيرة وعندي طموحات دايم كل بين فترة ادونها وارجع بعد فترة القاها تحققت من غير لاادري انها كانت من طموحاتي!
اؤمن بمقولة حلوة سمعتها من فترة قصيرة ” الاشياء الجيدة تحدث عندما نكف عن التفكير بها”

عندي لستة بأشياء احبها من بينهم او الي تحضرني حاليا:
- عائلتي الجميلة
- عموري سعيل اذا جا يضحك
- السوبرماركت والمفرحااات
- مكعبات الثلج
- سمكاتي اذا عطيتهم اكل وتجمعو عليه
- الديكور الامريكي / الاضاءة الصفرا والابجورات الخفيفة
- النودلز بكل انواعها بس بدون جبن
- الكابتشينو والموكا البارد
- عروض الازياء/ عطر ألين وشانس شانيل/المناكير
- جهازي / غرفتي الحبيبة
- التحف الصغيره الجميله
- التاريخ والآثار ومن بينم الحضارة المصرية الفرعونية .. وبالاخص حكم توت عنخ آمون
- الكون والكواكب والمجرات / احب اطالع النجوم وأعدهم
- الموفيز .. الاكشن والخيال العلمي والفانتسي
- التصوير بكانونتي حبيبتي  / التصميم بفن الفوتومانيبيوليشن والكولاج
- السكيتش الي اسويها في المحاضرة
- القصص, الخرافات, والأساطير العالمية
- سيول ,طوكيو وهونج كونج بالاخص.. وشرق آسيا ع وجه العموم
- قارة انتاركتيكا
- اي شي ملون يجذبني
والقائمة تطول ..

اما من ناحية اكره فحدّث ولا حرج !! :
- اللهجة العربنجليزية
- طيور الجنة وكراميش
- اسمي +  التيمن بالاسماء اذا كان الاسم فاشل !!
-  افلام الرعب والرومانتك
-  شغالتنا “معينه” الي راحت
- الجبن ثم الجبن ثم الجبن وكل انواع الجبن + البيض
- المأكولات البحرية + اللحوم كلها عدا الدجاج
- الشعر العامّي والبدوي الي مابنفهم منه حرف
- المباريات والاندية السعودية هلال نصر مش عارفة ايش
- الصور الممطوطه سواء بالطول او بالعرض
- اللمبات البيض الي تحسسني كأني بسجن
- صوت التلفون اذا جا يرن
الى آخر القائمة . .

اتوقع اني قدرت اكتب ولو شي بسيط عني
اذا اكتشفتني اكثر جيت وكتبتها مره ثانيه
سلام

فبراير 4, 2010
تم التحديث في مارس 23, 2010