عندما صنعتُ “حلا الأوريو”

برضو هالتدوينة يفترض تنكتب أول يوم رمضان .. اليوم الي تسنّعت فيه وسويت حلا لذيييذ يمي , في هاليوم كنت جالسه بدري وحسيتني فاضيه رحت لمامتي وقالت لي أختار لي حلا من كتاب الطبخ واسويه , شفت ان حلا الاوريو اسهل شي وبديت فيه ..

اولاً المقادير كما تتضح في الصوره:
6 بسكوت اوريو
2 كيس دريم ويب (استبدلته ماما بكريم شانتيه لعدم توفره)
2 قشطه
1 جالكسي
2 بيالة حليب بارد

بعدين نخلط في خلاط الكيك ( الحليب والدريم ويب او كريم شانتيه) ونضيف لهم القشطه

طبعاً انا ماكنت ادري وش هو خلاط الكيك!! كنت اظنه صحن عادي وسويته بهالبايركس لما جت ماما وفهمتني وحطته بالخلاط خخخخ

بعد مانخلطه نبدأ نكسّر الاوريو قطع متوسطه

نخلطه بالمعلقه عشان يتوزع وبعدين نصبه في البايركس وعلى الفريزر لما يجمد.. وهذي صورته لماً جمد وبعد ماتزيّن

وهذا صحن دحوووم الي بالموت خلاني اصوره <مستعجل يبي ياكله خخخ

وبس

زيارة لدورة تصوير

يوم الأحد رحت زيارة لدورة التصوير مع روان والبنات, مع اني اكره المراكز وهالاشياء الاجتماعية بس ماتوقعت اني بنبسط فيه كذا
وقبل لا نبدأ وروني البنات نتايج تصوير الأيام الي راحو وهي مطبوعه بورق .. صراحه خيـــــال مرره مرره خيـــال ماشاءالله تحسفت اني ماصورتهم

هنا كواليس التصوير وحوستنا وعدسة المدربه وووو الخ

وهنا النتيجة النهائية للتصوير

وبس

أحبـهم “الجزء الثاني”

عوده اخرى مع العطور العطور يا اجمل الاشياء .. هنا االجزء الاول , جالسه اتفرج على صور الكام ولقيت ان اغلب تصويراتي كانت للعطور لول , الجد فيني خاصيه مدري شتبي.. اني لما ازهق اروح للتسريحه واجلس اصور الاشياء الي فيها!! وبما ان اغلب وقتي زهقانه .. فـ 88% من الصور هي للاشياء الي في تسريحتي, ومن ضمنها عطوراتي الجميله .. بتكلم عن واحد واحد منهم .

فلورا قوتشي : هالعطر أليــم قبل كم يوم صورته  يجننن مرره وهو لأختي وان شاءالله  قريب بشتريه
بربريس : بابا يعشق عطر بربريس يستانس لما احد يمر جمبه او يشمه بس واكيد انا اشاركه في حبه لهالعطر
لوليتا : كنت اسميه عطر التفاحه ايام الطفوله ..  ياااااه عطر “لوليتا” فضييع احبببه مررره انقطعت عنه فترة طويــله فجأه ماما جابته لي ووووه احببه جدا جدا
سينما : يا الللللله قد ايش هالعطر مليان ذكريات جميله, احبه وماتحملت صراحه رحت سرقته منها لول

بولغاري : عطر مامتي <مصورته من غرفة اختي  .. مرره حلو ويبي لي اتعود عليه عشان اضيفه في قائمتي
جيفنشي : قبل كانت علاقتي معه مش مرره  .. بس حبيييييييته يجنن والحين صار من ضمن عطوراتي المفضله
جيفنشي دايمون : هالعطر لماما ومااحبيته ابد استغفرالله ريحته افف كأنه عود محترق او مدري المهم انه ماعجبني لول

One word can change everything.

Life.
We are all living it. Or are we?
Change is generated from consciousness,
but where is consciousness generated from?
From the external
And how do we control the external?
With one word
And what is that word?
Yes!
Yes, yes, yes!
The word is “yes.”
Say it a million times.
Say it a million more times.
And the word you will have said 2 million times is
Yes!

من فتره شفت فلم “يس مان” وما أنكر أنه أثر فيني بشكل كبير , باختصار خلاني اعطي الحياة وجه واقول لكل شي “يس” وصراحه ماندمت عليها !! .. ومؤمنه ان كل كلمة “يس” أقولها راح تقودني أو تفتح لي أبواب كثيره وما أدري يمكن من هالباب راح تتغير حياتي 180 درجه   والأهم والاكيد نقولها في حدود المعقول مب مثل ماسووا بطلنا “كارل” في هالفلم حتى مشاعره قام يكذبها ويقول “يس” حتى للاشياء الي يكرهها !!..لماً فهم معناها وجوهرها وأحسن استخدامها ..

حلو لو نخلي لساننا يتعود على هالكلمه .. الحياه ماتنتظر احد لازم نستكشفها بنفسنا

Chinese noodle with vegetables

هذي من ضمن الانجازات الي سويتها في 2009
مكرونه صينيه مرره يمي صراحه استانست ع نفسي يوم سويتها
واهم شي رآي ماما وبابا فديتهم رفعو معنوياتي وحمسوني للطبخ
مااكذب واقول اني ماأحب الطبخ بالعكس احس فيه متعه لكني ملوله مرره
يعني احيانا اتحمس واطلع مقادير واستعد وفي نص الطبخه
اقول للشغاله او ماما يكملونها واروح ارقى غرفتي!
احب اذا كان معي احد مثل بنات عمي او بنات خالتي قمة الوناسه والاكشن
حبيت احطها هنا من باب التوثيق :]

وهذي طريقتها من الكتاب مباشرة للي يبيها :]

المقادير/
- باكيت مكرونه صينيه او سبيغاتي
- 2 بصل مفروم
- 2 فلفل رومي يقطع كالاعواد
- 4 بصل اخضر يقطع حلقات
- 3 جزر مبشور او مقطع كأعواد
- نصف ملفوف صغير مقطع شرائح رفيعة
- 1 صحن دجاج فيليه
- 3 ملاعق صلصة الصويا
- ملح وفلفل حسب الرغبة
- زيت

الطريقة/
نضع المعكرونة الصينية في ماء مغلي مملح ومضاف له ملعقة صغيرة اجي لمدة 9-7 دقائق
( اما اذا كانت سبيغاتي فـتسلق في ماء + ملح + قليل من الزيت + اجي)
- نقطع الدجاج قطع طولية ويسلق في (ماء+ملح+رشة كمون) حتى ينضج ويصفى
- نحمس البصل في قليل من الزيت ونقلب لمدة 3 دقائق ثم نضيف بقية الخضار ونقلب حتى تذبل الخضار
- نضيف المعكرونه للخلطة منقلب جيداً. وأخيراً نضيف الدجاج وصلصلة الصويا والملح والفلفل حسب الرغبة
ثم نسكب المعرونة في طبق التقديم

 

 

بعيداً عن الروتين

من فتره كنت احوس بالديفينت عن ثيمات للفيستا , شفت ثيم اسود عجبني وحملته لكني ماجربته الا هالأيام , مرره خطير ومريح للعيون تميت فتره حاطته لكن القهر ان بعض البرامج ماتشتغل معه -_- فـ لازم ارجع للثيم القديم عشان يشتغل وارجّع الاسود مره ثانيه, عموما الثيم مرره عجبني يصير كل شي اسود ع تركوازي , احس اني كشخه وانا حاطته هههههه

هنا تلقون كل ثيمات الفيستا اذا حابين تحملونهم /
ثيمات للفيستا

وعلشان يشتغل الثيم لازم نحمل برنامج يركّب الثيمات واسمه “Style Selector”
تحميل البرنامج

وهنا شرح تركيب الثيم بالفيديو /

سلام :]

“كونفوشيوس”

من أقواله الشهيرة:

- لا تدلّل من تحبّ.
- لا تقلق من عدم وجود الوظيفة، بل من عدم وجود القدرة.
- لا تتشاور مع من يحملون وجهات نظر سياسية مختلفة.
- لا تتراجع عن الحقّ حتى ولو كنت تواجه أستاذك.
- الحرفيّ يحضّر أدواته قبل أن يبدأ عمله.
- عدم تصحيح الخطأ هو خطأ حقيقي.
- إذا كنت مغرماً بالتعلم فأنت تدنو من المعرفة.
- لا تفرض على الآخرين ما لا تفرضه على نفسك.
- قليل الأقوال سريع الأفعال.
- إذا كان تصرّف الحاكم سليماً، أطاعه عامة الشعب من دون أن يصدر إليهم الأوامر.