احبهم :*

قياسي

خلوني اترك الموفيز شوي واتكلم عن شي احبببه,
العطور العطور يا اجمل الاشياء من مايحبها او مايهتم لها ؟من يقدر يعيش من غيرها ؟
كل عطر عندي له ميزته وذكرياته الخاصه .. وهذا آخر الي شريناهم ..
خلوني اتكلم عن واحد واحد في هالصوره 🙂

اول شي ألين /
وااااااااه عليه ماهذا الجمال يا ألين .. من اول يوم شفته وقعت في حبه ,ينعنشني يخليني اروق غصب يذكرني بأشياء تهبببببل , ألين يسعدني اقولك اني مااقدر استغنى عنك انت لي وانا لك ياعطري الحبيب لول .. طبعا هذا العطر دائم التجديد ومايطلع من بيتنا يعني اذا خلص عندي تشتريه ماما اذا خلص من ماما تشتريه اختي وهكزا

العطر الثاني شانس شانيل /
حبيته من اول ماطلّعته مها بالمحاضره وقامت تتعطر فيه, وانا مندمجه مع الدكتور بالشرح الا احس اني بعالم ثاااااااااني يوم شميته يااااي يجنن يجنن .. ع طوول اول ماجيت اليت قلت لماما عنه وطبعا من كثر مامدحته راحت ماما وشرته وعشقته! والعايله الكريمه كللها عجبها وطقمو كلهم لووول هالعطر يشبه كوكو لكن احلى واهدى وااااه جميل جميل الي يبي يعيش بعالم الاحلام يشم ريحته بس 🙂 < شهالمبالغه خخخ

نجي للعطر الثالث الي هو موسكينو /
هذا العطر اول ماعرفته من اروى بنت خالي ,جابته لي هديه في حفلة تخرجي من الثانوي وهالعطر المميز دايم يشترونه بنات خالي فـ  كل مااتعطر فيه اتذكرهم وطبعا ريحته جمييله جدا ومميزه , انا مخصصته حق الجامعه وصديقاتي مايعرفوني الا به حتى صديقتي قبل لا اتعرف عليها تقول انتي من تدخلين الكلاس تبخرينه كله تقول اعرف انك موجوده بالكلاس او غايبه من ريحة العطر لوول , والحين مستحيل اتعطر منه اذا رحت مناسبه او بيت جدي لان خلاص حاسة الشم حقتي خلته خاص للجامعه لول , ماأنكر اني كرهته فترة بسبب موقف غبي حيوان فاشل 🙂 بس رجعت له مره ثانيه لكن مش مثل اول

رابع عطر بربري/
عطر أنيق وراقي وجميل ماأحس في احد مايعرفه مشهور جدا وهذا اغلب الاوقات مخليته لمناسبات خفيفه مثل سهرة بنات او كذا

خامس عطر جيفنشي /
مش ذاك الزود معه لكن ماما واختي يحبونه كثيييير ..طبعا ريحته تجننن لكن ماأرتاح الا لمجموعتي الي فوق مدري ليه لول , ونسيت اقول ان هالعطر لاختي مش لي 🙂

سادس عطر ريتشي ريتشي /
انا توني ادري عنه وماما اشترته لانه عجبها في المحل اسمه ريتشي ريتشي من ماركة نينا ريتشي ,حلو هالعطر ماعليه , مع اني مااحب اغامر واخذ شي جديد من اول مااشمه في المحل بس مرره حلو

سابع عطر ديكني /
مامره اشتريته لكن ماما جابته لي ,حلو وهااادي بس مابعد اتعود عليه< لازم انا عشرة عمر مع العطور عشان احبهم لول

وهذي كل قائمة عطوراتي الجديده وطبعا في عطورات احبها مش موجوده في هالصوره مثل شوبارد  وإيلي سان لوران وكوكو شانيل ونينا ريتشي وسينما وبربريس واسكادا القديم والجديد ونرسيسو وووو..الخ , هذولي بعد احبهم كثيير والقائمة الجايه راح تتضمنهم ان شاءالله

سلام 🙂

Advertisements

2 responses »

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s