“هلك المتنطعون”

قياسي

السلام عليكم ورحمة الله وبركاته .. يوم طويل ومتعب نوعا ما ووراي امتحان ماذاكرته ×_× .. امم قبل شوي انهيت حلقه من حلقات قصص القران لعمرو خالد .. الي هي” قصة البقره”.. عظيمه جداً هالقصه وبأسلوب عمرو خالد صارت كأنك عايش الاحداث معها.. كنت عارفتها من قبل لكن نسيتها, فيها كثير من الامور والمواعظ ويمكن اكثر شي جذبني فيها موضوع “التشدد فالدين” ولو انه ماتكلم عنه كثير بس قلت اكتب عنه بما ان مشاهدتي حديثه وقبل لا انساه .. هالموضوع بخاطري اتكلم عنه من زمان لكن مو عارفه اصيغ الكلام او ارتبه .. الاحظ فئه في مجتمعي من المتشددين فالدين وهو مو تشدد محمود بل العكس!! مثل تجنب المسموحات.. يعني مثلاً.. الله سبحانه وتعالى سمح لنا بقصر الصلاوات فالسفر ..هم يخافون يقصرون فيصلونها كامله!! انا مو احكم عليهم هم لهم الحريه اكيد لكن نظرتهم للي يقصر نظرة نقص او كأنه مسوي شيء غلط!! ونفسه موضوع جمع الصلاه اذا كنت بسفر!! يبون يحرمونها بس مب قادرين ويحسسونك كأنك مرتكب ذنب مادري ليه هذي النظره!! معليش يعني الرسول صلى الله عليه وسلم “ما خُيّر بين امرين الا اختار ايسرهما مالم يكن إثما”.. بتصيرون احسن من الرسول يعني؟ .. وبرضو في موضوع التدقيق الفضيع على الاشياء الصغيره البسيطه .. “أي شيء جديد يصير فتنه او حرام” اسمحو لي يعني!! ماتبون تعيشون حياتكم سكتو وخلو غيركم يعيشها .. مو تحللون وتحرمون على كيفكم!! الرسول صلى الله عليه وسلم قال هلك المتنطعون “قالها ثلاث مرات”!!! والمقصود بالمتنطع هو كل من شدد على نفسه في أمر قد وسع الله له فيه فإنه يدخل في هذا الحديث- المصدر -..الاسلام دين يسر وسماحه مو دين انغلاق وتشدد!!! اذكر مره حضرت اجتماع نساء ونقاشاتهم كانت عقيمه جدا ولا فيها فايده وللاسف حسبالهم النقاش نقاش دعوي !! كانو يتكلمون عن مراقبة الاولاد وان لازم يشددون عليهم ويراقبون تحركاتهم ووين يروحون ووين يجون وايش يشوفون ومين يكلمون وايش يتصفحون ومنع التلفززيون والنت منهم ووو..الخ باختصار يقومون بمهمة الاستخبارات الامريكيه على عيالهم!! انا مااقول لاتراقبونهم بالعكس لكن مو بهالطريقه كأنهم مسجونين!! هم مايدرون ان بأسلوبهم هذا راح ينبهون اولادهم على اشياء مو كويسه!! مايدرون ان اسلوب المنع والمراقبه راح تسبب الكبت الشديد .. الي بينتج عنه فالاخير هوايل !! اسلوب غلط غلط والمصيبه العظمى ان كانو اولادهم مراهقين!! انا ماقلت الكلام هذا الا لاني شايفه بعيوني تحوّل فضيع لشخص مكبوت اهله متشددين عليه الى شخص ماادري ايش اقول عنه .. وبرضو من ضمن الامور الي كانت صاحبة النقاش تقولها .. انها تحبّذ الناس انها تخوّف عيالها وتذكرهم بالنار وعذاب القبر قبل لا يطلعون لاي مكان!! .. ليه طيب تخربين عليهم يومهم؟ اوكي حلو تذكرينهم ماانتقدت على هالشيء بس مو كل طلعه عاد !! هم عندهم ضمير وعارفين وهالشيء بينهم وبين ربهم مو حلو ابداً تكررين هالاسلوب!! ليه ماتذكرينهم بالجنه بالأشياء الجميله ليه مايصير فيه توازن بين التذكير بالجنه والنار؟ ليه اسلوب الصراخ والتخويف هذا:/؟ مرره يحزنوني الي كذا ياليت يتغير اسلوبهم ونقاشاتهم ..

ودي اتكلم واكتب بعد بس بروح اذاكر .. نهاية حديثي إن أصبت فمن الله وإن أخطأت فمن نفسي والشيطان.
الى اللقاء يا اصدقاء 🙂

Advertisements

3 responses »

  1. مرحبا .. ميشا من زمان عنك ^^ الله يوفقك باختباراتك يارب
    >> اول مره اعرف هالقصه الله يجزاك خير
    واسلوب عمرو خالد روعـــــــــــه من جد .. تسلمين قلبو ع الافاده

    • مراحب تغريد منورتني ياجميله ♥ … امين وياك يارب 🙂
      اسلوب عمرو خالد ماعليه كلام ماشاءالله محد قدر يأثر فيني غيره
      اسلوب راقي جداً ومافيه اي نوع من الهجوم والهمجيه
      الله يكثر من امثاله ♥
      سعيده بوجودك ()

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s