مدونتي شخصيه فيها اهتماماتي اشيائي الي احبها فضفضتي واحيانا هذره.. فتحتها لاني محتاجه مكان اتنفس فيه ولو اني كثيرة السحبات عليه بس اشتاق له من فترة لثانيه
امم اسمي مشاعل , بكر امي وابوي ومن مواليد 1990 وسكّان السعوديه – الشرقيه.
لي نظره تفاؤليه للحياة ومزاجيتي تحكمني في كل شي ومن سلبياتي “التناقض”  يمكن عشان مزاجيتي!!
امنياتي كبيرة وعندي طموحات دايم كل بين فترة ادونها وارجع بعد فترة القاها تحققت من غير لاادري انها كانت من طموحاتي!
اؤمن بمقولة حلوة سمعتها من فترة قصيرة ” الاشياء الجيدة تحدث عندما نكف عن التفكير بها”

عندي لستة بأشياء احبها من بينهم او الي تحضرني حاليا:
– عائلتي الجميلة
– عموري سعيل اذا جا يضحك
– السوبرماركت والمفرحااات
– مكعبات الثلج
– سمكاتي اذا عطيتهم اكل وتجمعو عليه
– الديكور الامريكي / الاضاءة الصفرا والابجورات الخفيفة
– النودلز بكل انواعها بس بدون جبن هههههه
– الكابتشينو والموكا البارد
– عروض الازياء/ عطر ألين وشانس شانيل/المناكير
– جهازي / غرفتي الحبيبة
– التحف الصغيره الجميله
– التاريخ والآثار ومن بينم الحضارة المصرية الفرعونية .. وبالاخص حكم توت عنخ آمون
– الكون والكواكب والمجرات / احب اطالع النجوم وأعدهم
– الموفيز .. الاكشن والخيال العلمي والفانتسي
– التصوير بكانونتي حبيبتي  / التصميم بفن الفوتومانيبيوليشن والكولاج
– السكيتش الي اسويها في المحاضرة
– القصص, الخرافات, والأساطير العالمية
– جزيرة بالي, المالديف, هاواي
– قارة انتاركتيكا
– اي شي ملون يجذبني
والقائمة تطول ..

اما من ناحية اكره فحدّث ولا حرج !! :
– اللهجة العربنجليزية
– طيور الجنة وكراميش
– اسمي +  التيمّن بالاسماء اذا كان الاسم فاشل !!
–  افلام الرعب والرومانتك
–  شغالتنا “مُعيّنه” الي راحت
– الجبن ثم الجبن ثم الجبن وكل انواع الجبن + البيض
– المأكولات البحرية + اللحوم كلها عدا الدجاج
– الشعر العامّي والبدوي الي كله صراخ وماينفهم منه حرف
– المباريات والاندية السعودية هلال نصر مش عارفة ايش
– الصور الممطوطه سواء بالطول او بالعرض
– اللمبات البيض الي تحسسني كأني بسجن
– صوت التلفون اذا جا يرن وبرن ويرن
الى آخر القائمة . .

اتوقع اني قدرت اكتب ولو شي بسيط عني
اذا اكتشفتني اكثر جيت وكتبتها مره ثانيه
سلام 🙂

فبراير 4, 2010

 

19 responses »

  1. اسمك حلو وانت حليتيه أكثر ومن دون مجامله ،،، فيه اشياء في قائمتك “اللي تحبين” احبهاااا مثل الديكور الامريكي من جد يا ختي بيوتهم راااااايقه أحبهااا ،، وبخصوص اللمبات البيضا في قائمه “أكره ” زيييي أكرهااااا بقوووووه توترني ><

    • استحييييييت:$:$ فديتك يانانا لا عقب كلامك شكلي بعيد النظر في أسمي واحبه ههههه
      ومن جد الديكور الامريكي رااقي وذوق عكس الديكورات العربية الي ثلاث ارباعهم بني وألوان غامقه ><
      وعلى اللمبات البيض ماعمري شفت احد يحبها غير العجايز .. مثل جدي الله يرحمه يعصب لما نطفيهم ونشغل الصفر لوووول
      نورتيني ياألبي ♥

  2. الي يقرا سيرتك لاإرادياً يبتسم ، شكلك عسووله
    ستايل المدونه ناايس مرة ، يبعث على الانشراح <= ;D
    توقعتك بالبدايه حجازيه ، حسيت فيك شي منهم .موفقه ياعسل

  3. لوووووول تصدقين فيه اشيا كثير مانتفق انا وياك فيها ،
    بس امبين عليك حبوبه وعلي طبيعتك من عرفتك بالتويتر ،
    موفقه يارب ومبروك النجاح بعد ،
    حبيت سيرتك حسيت انك تكتبينها من قلبك 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s