Category Archives: Uncategorized

طريقة الطلب من موقع ماك ❥

قياسي

.

.

السلام عليكم ورحمة الله وبركاته

اليوم ان شاءالله بتكلم عن طريقة الطلب من موقع ماك الامريكي

فالفتره الاخيره ادمنته وصرت لما اطلب شي من امازون لازم اخذ لي روج من ماك عالطريق هههه

اول مره جربته كانت مغامره صراحه وطلبت مجموعه كبيره والحمدلله وصلت بسرعه لبريدي الامريكي وشحنتها لعنواني عن طريق ارامكس

اليوم بوضح لكم الطريقه بالتفصيل عشان تستفيدون

.

اولا هذا رابط الموقع

https://www.maccosmetics.com/

تسجلون عادي زي اي موقع وتعبون بياناتكم

ندخل على الصفحه الرذيسيه ونختار من فوق عالتسجيل 

نعبي البيانات من الايميل ورقم الجوال 

%d9%a1

بعدها بتجينا صفحة نعبي فيها المعلومات زي ماهو موضح بالصوره 

%d9%a2

بعدها نبدا نتسوق ونضيف للسله 

%d9%a3

بعدها نتجه للسله عشان نسوي تشيك اوت 

وتلاحظون في صفحة سلة المشتريات حاطين عينات مجانيه تختارونها مع كل عملية شراء 

%d9%a4-copy

انا اخترت ستروب كريم .. حددته زي ماتشوفون

%d9%a4

بعدها ننزل نهاية الصفحه ونضغط على تشيك اوت 

عندكم خيارين للدفع اما بالباي بال او بالفيزا .. انا اخترت الفيزا لان الموقع موثوق 

%d9%a5

وقبل لاننهي عملية الشراء بتلاحظون حاطين خيار القيفت.. صندوق الهديه اذا حابين تاخذونه مع مشترواتكم ورساله بكرت ماك تعبون فيها الكلام اذا حابيت تهدون احد..

* انا لما طلبت منهم اول مره كانوا حاطين كيسه صغيرونه بلاستيكيه هديه مع الكرت .. الحين غيروها وحطوا بوكس 

%d9%a6

بعدها نعبي بيانات الشحن من العنوان والمدينه والولايه وباقي المعلومات 

ملاحظه : موقع ماك مايشحن دايركت عشان كذا حطيت عنواني الامريكي 

%d9%a6-copy

ونكمل بيانات الفيزا من رقمها وتاريخ انتهاءها 

ملاحظه مهمه : * حطوا الشيبنق آدريس نفس البيلنق آدريس * 

%d9%a7

وفي النهايه نسوي تشيك اوت 

طبعا الموقع ياخذ تاكس 7.000% من قيمة المشتروات

الشحن كان عن طريق ups وتم الطلب في تاريخ ٢٩/ ١٠ ووصل بريدي في ٤ /١١ 

تقريباً ٥ ايام وهم واصلين بريدي ومن وورلدشيب للسعوديه اخذ ٤ ايام عن طريق ارامكس 

المده الكليه للطلب بالكثير ٩ ايام بس ! 

وهذي قائمة طلباتي السابقه من ماك ، زي ماتشوفون طلبت منه ٣ مرات وتعاملهم مره ممتاز 

الي بالاصفر هذا اول طلب طلبته

%d9%87

وهذا اول طلب لي من الموقع ” قائمة اول فاتوره ههههههه” ماشاءالله 

%d9%a1-copy

وهذي قيمة المشتروات مع التاكس .. الشحن كان فري 

%d9%a2

واخيرا هذي صورة الاغراض اول ماوصلتني مع اغراض من امازون 

img_5980-copy

img_5991-copy

img_5996-copy

img_5981-copy

img_5982-copy

وان شاءالله عجبكم التقرير 

اي سؤال انا حاضره (L)

 

Advertisements

احلى مافي ٢٠١٥ |

قياسي

 السلام عليكم ورحمة الله وبركاته

اهلا بزوار مدونتي الصغيره، اليوم راح اذكر احلى الأشياء الي صارت في ٢٠١٥ ويارب كل سنه تزيد فها الايام الحلوه 

مو بس مواقف او احداث. لا طبعاً.. حتى اشيائي اليوميه او اماكن زرتها او اغراض استفدت منها

،

 يالله نبدا بسم الله

،

❥. أحداث شخصية 

-١- ولادة أختي

IMG_4580 copy 

اول حدث في ٢٠١٥ اختي جابت بنوته ثانيه زي القمر ماشالله

 الله ينبتها نبات حسن و يجعلها باره بامها وابوها

،

 -٢- دورة تصوير 

IMG_3402

 ثاني شي والي ماكنت متخيله في يوم راح انجزه، سويت دورة تصوير في نادي الحي في احد المدارس 

على نهاية ٢٠١٤ وبداية ٢٠١٥ 

كنت متخوفه من الفكره بس الحمدلله بتشجيع من ابوي وزوجي تمكنت وراحت الرهبه ، ماتتصورون قد ايش هالشي اثر على على شخصيتي

واهم شي قدرت اقدم ولو شي بسيط للبنات والحمدلله حبوها وتقبلوها وتمنوا مني اكثر بعد

،

-٣- شخصيتي تغيرت 

IMG_2455 copy

ثالث حاجه حبيتها ان شخصيتي تغيرت! طبعاً في اشياء تغيرت فيني للاحسن وفيه للاسوء

اللي للأحسن قوت شخصيتي كثييييير ماصرت اهاب الاشياء التافهه ماصارت دقات قلبي تربق على اقل القليل

كنت قبل اراعي مشاعر فلانه وعلانه ومااكترث لنفسي الي تضررت لكن الان كلشي تغير

الحمدلله هالشي حبيته ويارب ماافقده .. صرت مااخاف من كلمة الحق ابداً .. اواجه بكل ثقه وما ارتبك لاني واثقه من نفسي والحمدلله

لكن السلبيه الي حصلت اني صرت عصبيه 😦 والله ماكنت كذا احس زادت مع الدوام وضغوطات العمل والمسؤوليه الي جالسه اتحملها حالياً

،

-٤- الانتقال لعالم الماك 

thumb_IMG_4260_1024

الشي الرابع الي حبيته في هالسنه ،، انتقلت لعالم الماك واخييييراً

من سنين وبنين وانا اقول بنتقل وهالسنه فاتحة خير الحمدلله هههههههه ماتتصورون قد ايش كرهت الوندوز والي خلف الوندوز 😦

شلون تحملته طيلة هالسنوات ماادري ! بس والله كنت صبوره لانه دايم يعلق ههههههه كان معزز فيني صفة الصبر لابعد الحدود

،

-٥- مشروعي الصغير 

IMG_5861 copy

ومن الاشياء الحلوه بعد بديت بمشروعي الصغير وفتحت باب الطلب على تصاميمي ،،

وبرضو ماكنت متخيله في يوم من الايام اني بفتح باب الطلب لكن هالشي اسعدني حتى لو كان المدخول قليل ،، تعمدت اخليه بهالقيمه لانها ماهمتني اساسا قد مااهتميت بصناعة الاسم وارضاء الزبون

واكيد عشان يكون بمتناول الجميع وهذا الشي الي صار فالعيد وفرحني من جد

،

-٦- وظيفة جديدة 

الشي الاخير جربت وظيفه قياديه نوعاً ما وفيها مسؤولية ، كنت مره متضايقه لما قالوا لي صرتي منسقه وخايفه بعد

لكن حلو اني اجرب شي جديد وعمل جديد، هالوظيفه زادت من خبرتي وعلاقاتي فالعمل هذا الشي الي حبيته فيها برغم السلبيات .. لازم اشوف الكاس المليان اول 🙂

،

-٧- التسوّق اون لاين 

IMG_4014

واخر حدث عن جد هو اكثثثثثر الاحداث قريب لقلبي هو اني علمت نفسي بنفسي كيف اطلب اون لاين

وما اخفيكم ان كلللللل مشترواتي هالسنه تقريبا ٩٩.٩٩٪ اون لاين .. كلشي كلشي!

ماتم موقع ماجربته ماتم موقع ماعبيت السله فيه ههههههههه والحمدلله كل النتايج سليمه وزي ماابي بالضبط

صح فيه اخفاقات ومقصات من البائعين لكن اقدر اتفاداها وبسهوله

وهذي صوره لأول طلبيه لي واول شحنه من بريدي الامريكي

،

❥. أماكن حلوه في ٢٠١٥ 

مقهى ريم البوادي في دبي

حبيت كل تفاصيله ودي كل يوم فطرت فيه طول الاسبوع الي قضيته في دبي 

اكل ونظافه وديكور وجو يجنن .. يستاهل ١٠ /١٠ 

IMG_5024

جزيرة أمواج في البحرين 

للامانه المطعم هذا جدا سييييء الاكل استغفرالله برغم الاطلاله الجميله

 لكن حبيت الجزيره بشكل عام وحبيت اكثر tea club رايق ولذيذ 

IMG_4113 copy

واخيرا اخر زياره لي لدبي كلها كانت جدا ممتعه وفيها نوع من المغامره

،

❥. كتاب مفضل في ٢٠١٥ 

للاسف علاقتي مع القرايه بدت تندثر مو زي قبل

لكن هالسنه قرأت كتابين وحبيييييتهم مره

١– أقوم قيلا

21394850

٢- فجر طاقتك الكامنه في الاوقات الصعبه

 2728

،

❥. أفضل افلام ٢٠١٥ 

١- run all night

run-all-night1

شفته فالسينما حماسي يجنن حبيته

٢- the martian

the-martian-movie-poster2

فلم عميييييق حبيته مره

،

❥. افضل روج 

ماراح احط السكن كير ،الميكب لاني اذا حطيت مفضلاتي ماراح اسكت ههههه يبي لهم تدوينه بلحالهم .. اكتفيت بأحلى روج جربته في هالسنه 

ماك ديفا

سواتش من النت

mac-diva

ماك موكا 

سواتش من النت

mac-mocha-lipstick-review-swatch-photo

ويكذا انتهت مفضلات هالسنه 

وكل عام وانتم وحبايبكم بألف بخير ❤

تجربة الشراء من موقع iHerb

قياسي

السلام عليكم ورحمة الله وبركاته

اليوم بتكلم عن تجربتي في شراء منتجات iHerb

الموقع اشهر من نار على علم واغلب الناس هابين فيه وتجربتي الاولى كانت بتاريخ 12/ 8 /2015

هذي صوره من اخر طلبيه لي وفيه منتجات كررتها ومنتجات جديده لسه ماجربتها

طبعا هذي عينات لان من كل نوع طلبت كم حبه لامي وبيتنا

1

هذا كرتون الطلبيه اول ماوصلني 

٢

-١- 

Y.S. Eco Bee Farms, Raw Honey

٤

عسل خام طبيعي ١٠٠٪ بدون اضافات .. شكله يجي زي الشمع وطعمه لذييييذ حبيته

اقدر اضيفه مع اي شي سواد للتحليه او للاكل .. انصحكم فيه 

السبب الي خلاني اشتريه اني هنا مااضمن وجود عسل طبيعي للعطارين لان حالات الغش كثيره، فصرت ادور على ماركه معينه ومعروفه فيها كل المكونات وجدول السعرات افضل من اني اشتري من تعبئه مجهولة المصدر 

..

-٢-   

Peanut Butter & Co., Smooth Operator, Creamy Peanut Butter

Peanut Butter & Co., Peanut Butter Blended With Rich Dark Chocolate

٣

بينت بتر ودارك تشوكلت .. طبعا اول ماشريتهم الناس قامت تضحك علي تقول حد يطلب بينت بتر من برى؟ ايوا ليش لا ! اذا الماركات الي هنا مضروبه وكلها زيوت وسكر وربع بينت بتر ليش مااطلب نوع اورقانك يفيدني دامي احبه؟ مشكلتي عسره بالاكل ومو كل شي اكله والبينت بتر اساسي في نظامي الغذائي فبدل لاتضرني كثرته ابيها تفيدني فاخترت هالماركه من اي هيرب الكل يمدحها ومن جد تستاهل المدح ، خلصت علبتين ووديت وياي علبه الجامعه هههههه وعندي مخزنين بعد هههه طعمها لذيذ وسموووذيه سايله مو جافه ولا ثقيله .. وزياده على كذا قيمتها الغذائيه جداً عاليه وسعراتها بسيطه ، انصحكم فيها 

الدارك تشوكلت هو مزيج بين البينت بتر والتشوكلت، طعمه لذييذ وبديل للنوتيلا ينفع للحلا او سناك مع شابوره او بسكوت او اي شي.. حبيته بس مو دايم استعمله زي البينت بتر 

..

-٣- 

Nutiva, Organic Chia Seed, Black

٥

الشيا سيد كثير قريت معلومات عن فوايدها وان فيها اضعاف الفيتامينات والحديد الي بالسبانخ ، وبما ان دمي دايم نازل طلبتها اجربها بس مابعد افتحها .. ناويه اجربها مع السلطات والفطور 

..

-٥-

Bob’s Red Mill, Organic, 7 Grain Pancake & Waffle Whole Grain Mix

٦

خليط البانكيك والوافل بالسبع حبوب، برضو خذته من مدح الريفيو وبما اني اعشق الوافل قررت اسويه بطريقه صحيه ، ماجربته للآن 

..

-٦- 

Avalon Organics, Thickening Shampoo, Biotin B-Complex Therapy

٨

شامبو وبلسم افالون اورقانك ، اخذته لانه اكثر مبيعا لكن الي خوفني ان النص مقيمينه ٥ ستار والنص الثاني قيموه ١ ستار 😐 يا جنه يانار ههههه 

الي صار معي ان اول اسبوع عادي يعني ماحسيت أثّر في شعري، لكن راح تستهلكين كميه كبيره منه لان رغوته خفيفه ومااحس الشعر ينظف عدل اذا استخدمته ، طبعا هو والبلسم مع بعض ، اذا خلصت من الشامبو احط البلسم على كل شعري لان الشامبو يجففه وخفت ينفشه ، مع انه ماجففه لي كثير بس احتياط صرت اكثر بلسم والوضع كان تمام 

لكن بعد ما مر اسبوعين عالاستخدام فجأه شعري صار دهنننني ولاصق وملبد كن لي شهور ماتروشت! ، تقرفت من الشكل لدرجة تروشت ٣ مرات فاليوم وغسلته بشامبوات ثانيه ومافيه فايده الفروه مدهنه ولاصقه والاطراف جافه عاد لكم ان تتخيلوا الشكل القرف ! 

تميت على هالحاله اسبوع تخيلوا كل يوم اغسل شعري مرتين وغسلته بشامبو غارنيه وشوي خف بس لازال الوضع مخزي ههههه لما مر اسبوع بدا شعري يرجع لحيويته وبديت اعتني اكثر من الزيوت والتريتمنت وكذا لكن ماكنت متأكده ميه بالميه ان هالشامبو هو السبب ! الا لما انقطعت عنه اسبوع و جربته مره ثانيه ، رجعت نفس الحاله الدهنيه الي فوق وهنا عاد حلفت حلف مااقرب جنبه كررهته 😐 رحت قريت الريفيوز السلبيه عالشامبو وكثيييير صار لهم نفس حالتي بالضبط ، دهنت الفروه والاطراف جفت، لذلك انا تقييمي له ١ من ٥ ، ماناسبني ابداً 

..

-٧- 

Nubian Heritage, African Black Soap Bar, 5 oz 

٧

الصابونه الافريقيه السودا .. كثير مدحوها وقلت اجربها وسعرها مرره رخيص فالموقع غير عن سعر التاجرات النصابات يبيعونها ب ٥٠ وهي ب ٣.٧٧ دولار يعني ١٥ ريال ! 

انا صراحه في روتيني للشاور مااستخدم صابونه ابد كل الي عندي سوايل وغسولات ! جربته مره وحسيت جففت لي جسمي وزياده على كذا لما جيت بجربها مره ثانيه حسيتها تلوثت وماادري انا مااحب منظر الصابونه الي تحتها مويه عندي قناعه ذاتيه ان الصابونه لاستخدام واحد بس! فالبدايه ببشرها زي ماقريت في الريفيوز عشان ماتتلوث وماارتحت معاها كل دقيقه تزلق من يدي هههه ، امي جربتها قالت انها طلعت لها حبوب في وجهها وتركتها ، عموما انا ماناسبتني وماحبيتها قد ماحبيت النوع السايل منها مررره يجنن بنات خذوه ولاتاخذون هذي .. بكتب عن مشترياتي الثانيه ريفيو ان شالله . 

..

وفالنهايه ان شالله استفدتوا من تجربتي وطبعا مااخفيكم هذي التجربه الثالثه لي والتجربه الرابعه بكتبها لان فيها منتجات كثييييره خاصه للسكن كير وهالشغلات الحلوه ❤

إعادة تدوير الفازات ..

قياسي

اهلا بالصبايا الحلوات ،، يارب تكونون بصحه وعافيه 

قبل فتره طلبت فرش ميكب جديده ولما وصلتني مالقيت فيه مكان لها عالتسريحه ،

واول شي فكرت فيه “علب باث اند بودي” رحت على طول غسلت لي علبتين ونظفتهم

IMG_5790

وبعدين فتحت جهازي وصممت الشعار، مااخذت صوره من النت لاني ابي الدقه تكون عاليه فكتبته وقلدت الخط والترتيب 

IMG_5804 (1)

بعد ماطبعته على ورق ستيكر،  شلت الستيكرات تبع الشمعه ولزقته عليه 

IMG_5820

وهذا الشكل النهائي 

IMG_5825

IMG_5813

حلوه فكرة اعادة التدوير والطريقه سهله جدا ماتاخذ وقت .. واهم شي شالت كل فرشي ههههه 

الفكره قديمه ومقتبسه بس ان شالله استفدتوا 

شوكولاتة السعادة ،

قياسي

IMG_4751 copy

السلام عليكم ورحمة الله وبركاته

اهلا من جديد بزوار مدونتي الصغيره،، اتمنى تكونون بخير

قبل فتره او خل اقول بالضبط زي هالوقت قبل سنه ، جات على بالي فكرة تصاميم الشوكولاه

وسويت كم تصميم عالسريع باستخدام الصور وتركيب الخامات واضافة كلام ومعايدات عليها

صراحه ماتوقعت ابدا ان بيجيني طلب عليها يعني كانت اول تجربة لتصاميم الشوكولاه وماكنت اصلا حاطه ببالي اني بسويه كمشروع

كنت مسويته عيديات للعائله .. وهالسنه بديت من جديد وسويت تصاميم لاستقبال اختي وتصاميم القرقيعان والكل اعجب فيهم الحمدلله

واليوم من كثر الطلبات فالخاص قررت افتح باب الطلب عالتصاميم زي ما انتو حابين

صراحه انا الى الحين متخوفه من الفكره واستقبال الطلبات الخاصه بس ان شالله اقدر افيد واستفيد

شكرا لكل من شجعني والهمني ❤

وهذي التصاميم الي سويتها للقرقيعان .. طبعا البرقع مستهلك كثيير بس حاولت اغير العيون والنقشات وهيك يعني هههه

IMG_4763 copy

IMG_4756 copy

IMG_4792 copy

IMG_4804 copy

IMG_4773 copy

IMG_4783 copy

IMG_4778 copy

ان شالله تعجبكم ❤

رمضان كريم ،

قياسي

IMG_469

السلام عليكم زوار مدونتي الاعزاء

الشهر عليكم مبارك يارب .. الحمدلله الي بلغنا هذا اليوم واحنا سالمين ❤

اشتهيت اكتب تدوينه لطيفه وقصيره ابارك لكم فيها ومنها اقولكم عن فكره بسيطه كنت اسويها في كل رمضان مر علي

مره سمعت عمرو خالد في برنامج يقول خلو لكم دعوات محدده ترددونها طييلة الشهر

زي ماكانوا يسوون الصحابه رضي الله عنهم..

وان شالله ربي بيحققها قريب او بعيد .. بس اهم شي الالحاح فالدعوه والاستمرار خاصه فالسجود

انا في بداية كل رمضان اجيب نوته واكتب عليها امنيات السنه القادمه .. واكتب فيها كل الي ابيه يتحقق

والله ماابالغ بنات .. قبل سنه كتبت دعوات واليوم اشوفها متحققه زي ما ابي بالضبط :”( مااكرمك يارب

والي ماتحقق اعرف انه بيتحقق بس مو الحين .. او انه مو خير لي ابدا

قال النبي صلى الله عليه وسلم:

(ما من مسلم يدعو، ليس بإثم ولا بقطيعة رحم؛ إلا أعطاه الله إحدى ثلاث: إما أن يعجل له دعوته، وإما أن يدخرها له في الآخرة، وإما أن يدفع عنه من السوء مثلها)

اهم شي يكون عندكم حسن الظن بالله

فصار هالشي عاده محببه لي وانتظرها كل رمضان.. وحبيت احرصكم عليها ❤

قبل لا انهي التدوينه هذي بعض من فضائل الدعاء :

..

 

1- من فضائل الدعاء أن ثمرته مضمونة بإذن الله 

قال صلى الله عليه وسلم:

(ما من أحد يدعو بدعاء إلا آتاه الله ما سأل، أو كفّ عنه من سوء مثلَه؛ ما لم يدع بإثم أو قطيعة رحم).

وقال صلى الله عليه وسلم:

(ما من مؤمنٍ يَنْصِبُ وَجْهَهُ لله يسأله مسألةً إلا أعطاه الله إياها، إما عجّلها له في الدنيا، وإما ذخرها له في الآخرة، ما لم يعجل).
قالوا: يا رسول الله وما عَجَلَتُه؟ قال: (يقول: دعوت ودعوت ولا أراه يُستجاب لي). 

ففي الحديثين السابقين وما في معناهما؛ دليل على أن دعاء المسلم لا يُهمل، بل يُعطى ما سأله إما مُعجلاً، وإما مُؤجلاً.

قال ابن حجر رحمه الله: (كلُّ داعٍ يُستجاب له، لكن تتنوع الإجابة؛ فتارةً تقع بعين ما دعا به، وتارةً بعِوَضِه).

..

2- من فضائل الدعاء أنه سبب لدفع البلاء قبل نزوله، ورفعه بعد نزوله،

قال النبي صلى الله عليه وسلم:

(لا يغنى حذرٌ من قدرٍ، وإن الدعاءَ ينفع مما نزل ومما لم ينزل، وإن الدعاء ليلقى البلاءَ فيعتلجان إلى يوم القيامة)
ومعنى يعتلجان أي: يتصارعان، ويتدافعان.